Бишкек шаарынын мэринин милдетин аткаруучу Балбак Түлөбаев жаңы конуштардагы жерлерди мыйзамдаштыруу акысыз болорун айтып чыкты. Ал акча чогулткула дегендерге ишенбөөгө чакырды. Бул тууралуу ал бүгүн, 8-декабрда Фейсбук баракчасында жазды.
“Бишкектеги жаңы конуштардагы документи жок үйлөрдү мыйзамдаштырабыз. Бул бекер болот, акча чогулткула биз чуркайбыз дегендерге ишенбегиле. Кызыл китеп алаарда гана банкка акча төлөйсүздөр. Башка төлөмдөр болбойт“, – деп билдирүү жазган Түлөбаев.
Белгилей кетсек, буга чейин Балбак Түлөбаев мөөнөтү бүткүчө жаңы конуштагы жерлерди мыйзамдаштырып кетээрин айткан. Ошондой эле мэрдин милдетин аткаруучу кызматынын мөөнөтү аяктагандан кийин, ал кайрадан Бишкек шаарынын мэри болууга ниети жок экендигин айтып чыккан.
Пикирлер (8)