Мэрия коомдук тамактануучу жайлардын ишин саат 22:00гө чейин чектөөнү пландоодо

Бишкек шаарынын мэриясы дезинфекциялоо иштерин жүргүзүү максатында коомдук тамактануучу жайлардын ишин саат 22:00гө чейин чектөөнү пландоодо. Бул тууралуу республикалык штабдын жыйынында вице-мэр Алмаз Бакетаев билдирди. 

Кечээ, 25-июнда Бишкек шаардык мэриясынын аппарат башчысы Балбак Түлөбаев кийинки жумадан баштап тамактануучу жайлардын ишине чектөө киргизилиши мүмкүн экенин айткан. 

«Биз борордук штабга кафелердин иштеши боюнча сунуш бердик. Эгерде базарлардан тышкары, кафе, ресторан, бар, ашканалар, жалпы тамактануучу жайлар биз берген алгоритмдин негизинде иштебесе, элүүдөн ашык адам кабыл алса кийинки жумадан баштап чектөө чаралары кабыл алынат",  - деген ал.