Жол кыймылынын коопсуздугун камсыздоо башкы башкармалыгынын кызматкерлери Англия жана Таиланддан келген туристтерге жардам көрсөтүштү.
ЖКККББдан билдиришкендей, Таиланд жана Англиядан келген туристтер Кыргызстандын тоолуу аймактарын кыдырып жүрүп, Ош - Бишкек унаа жолунун 451-чакырымында авто унаасы бузулуп, бир нече күн бою унаасын оңдой албай туруп калышкан.
Аларды ЖКККББнын Жалал-Абад облустук Жол кыймылынын коопсуздугун камсыздоо бөлүмүнүн жана Таш-Көмүр ШИИБдин кызматкерлери көрүшүп, бузулуп калган авто унаасын Таш-Көмүр шаарына чейин кошумча техника менен сүйрөп келип беришкен. Ал эми туристтерге тамак-аш, суусундуктарды алып беришкен.
Өз кезегинде туристтер милиция кызматкерлерине рахмат айтып, ыраазычылык билдиришкен.
Пикирлер (0)
Пикир жок. Сиз биринчилерден болушуңуз мүмкүн