Милиция кызматкерлери кызматтык унаада спирт ичимдиктерин ичип жүргөндүгү боюнча тергөө башталды

Социалдык тармактарда милиционерлер, болжолдуу түрдө Ысык-Көл ОИИБинин кызматкерлери мас абалында жүргөн видео жарыяланды.

Автор видео Бөкөнбаев айылында тартылганын айтат. Кадрда милициянын унаасында арак ичип, тартип сакчылары мас абалында, бирөөсү (жарандык кийимчен) бутуна тура албай жатканын көрүүгө болот.

Ысык-Көл облусунун ички иштер башкармалыгы жарыяланган видео боюнча кызматтык иликтөө башталганын билдирди.