Милиция кызматкерлери коомдук транспортто чөнтөк уурулук кылган шектүүнү кармашты. Бул тууралуу Бишкек шаардык ички иштер башкы башкармалыгынын басма сөз кызматы билдирди.
Маалыматка ылайык, милицияга арыз менен жаран Б.Ч. кайрылган. Анын айтымында, Абдрахманов жана Киев көчөлөрүнүн кесилишинде кичи автобуста белгисиз адамдар анын 62 миң сомдук iPhone XR уюлдук телефонун уурдап кетишкен.
Бул факты боюнча кылмыш иши козголуп, шектүү катары мурда бир нече жолу соттолгон 2001-жылы туулган О.Б аттуу жаран кармалды. Ал убактылуу кармоочу жайга киргизилген.
Пикирлер (0)
Пикир жок. Сиз биринчилерден болушуңуз мүмкүн