Кызыл-Кыя ШИИБнин жашы жете электер менен иштөө инспекциясынын жана жол кыймылынын коопсуздугун камсыздоо бөлүмүнүн кызматкерлеринин демилгеси менен Караван айылдык аймагында жайгашкан орто мектептердин арасында ден-соолукту чыңдоо багытында окуучулар арасында спорттук оюндар уюштурулду. Бул тууралуу Баткен ОИИБнын Басма сөз кызматы кабарлады.
Бул иш-чаранын максаты мектептер арасындагы ынтымакты бекемдөө, кылмыштуулукту болтурбоо, зордук-зомбулуктарга бөгөт коюу, укук бузуулардын алдын алуу жана жаш өспүрүмдөрдү сергек жашоого тарбиялоо.
Окуучулар арасында спорттун эстафета түрү ойнотулуп, жалпысынан 64 окуучудан түзүлгөн 8 команда катышып сопорттун катышуучуларына баалуу белектер ыйгарылды. Оюн жогорку деңгээлде өттү.
Мындай саамалык жыл сайын Кызыл-Кыя ШИИБнин демилгеси менен өткөрүлүп, мектеп окуучуларына жаңы дем берип келет.
Пикирлер (0)
Пикир жок. Сиз биринчилерден болушуңуз мүмкүн