Саламаттыкты сактоо министринин орун басары Нурболот Үсөнбаев ооруканадан дарыланып чыкты. Бул тууралуу Коомдук саламаттыкты сактоо башкармалыгынын башчысы Айнура Акматова 5-августтагы брифингде журналисттин суроосуна жооп берип жатып билдирди.
Анын айтымында, министрдин орун басары эртең жумушка чыгат.
"Н.Үсөнбаев Бишкек шаарындагы инфекциялык ооруканасында тиешелүү дарылануудан өттү. Эртең, 6-августтан тарта жумушка киришет", - деди Айнура Акматова.
Буга чейин Нурболот Үсөнбаевден коронавирус аныкталганы маалымдалганган. Ал эми Саламаттыкты сактоо министри Сабиржан Абдикаримов дарылануудан кийин 3-августта жумушка чыккан.
Пикирлер (0)
Пикир жок. Сиз биринчилерден болушуңуз мүмкүн