Министрлер кабинети 23-февраль, 7-апрель жана 7-8-ноябрдагы майрам күндөрүнүн макамын кайра карайт

2022-жылы майрамдардын көп болушуна байланыштуу Министрлер кабинетинде бир катар майрамдардын макамын кайра карап чыгуу боюнча мыйзам долбоорун коомдук талкууга чыгаруу маселеси каралууда.

Министрлер кабинетинин басма сөз кызматы билдиргендей, сөз 23-февраль, 7-апрель, 7-8-ноябрдагы майрамдар тууралуу болуп жатат.

Кыргызстанда 23-февраль Ата Мекенди коргоочулар күнү белгиленет. 7-апрель — 2010-жылдагы Апрель элдик революциясы күнү, ал эми 7-8-ноябрь — Тарых жана ата-бабаларды эскерүү күндөрү.