Министрлер кабинетинин башчысы Адылбек Касымалиев Ош облусуна иш сапары менен барып, инвестициялык долбоорлордун жүрүшү менен таанышты. Бул тууралуу министрлер кабинетинин басма сөз кызматы билдирди.
Ноокат районунда Адылбек Касымалиев курулуп жаткан гумустук органоминералдык жер семирткичтерди чыгаруучу комбинатта болду. 2024-жылы башталган бул долбоор 260 миллион долларга бааланып, айыл чарба тармагын өнүктүрүүнүн маанилүү фактору болоорун убада кылууда.
Министрлер кабинетинин башчысы ошондой эле Мамлекеттик ипотекалык компания тарабынан Ош шаарында курулуп жаткан турак-жай комплекси менен таанышты. Ал 8 блоктон жана 542 батирден турат, алар «Менин үйүм» мамлекеттик турак-жай программасынын катышуучуларына социалдык, жеңилдетилген жана жеткиликтүү ипотека жана үлүштүк курулуш механизми үчүн берилет.
Пикирлер (0)
Пикир жок. Сиз биринчилерден болушуңуз мүмкүн