Мурдагы депутат Орозайым Нарматова эки айга камалды

Жогорку Кеңештин экс-депутаты Орозайым Нарматова Бишкектеги СИЗО-1ге киргизилди. Мындай чечимди Биринчи Май райондук соту бүгүн, 29-октябрда чыгарды.

Адвокаттары анын кармалышы мыйзамсыз жана негизсиз деп таанууну суранышкан. Бирок, сот эки айга камакка алуу чечимин чыгарган.

Эске салсак, Орозайым Нарматова 27-октябрда Москвада кармалганы кабарланган. Кечээ, 28-октябрда Бишкеке алынып келингенин жакындары билдиришкен.

Орозайым Нарматова «Кемпир-Абадды коргоо» комитетинин мүчөсү болгон.