Мурдагы министр Нурлан Сулайманов Жапаровду Ош облусуна болгон иш сапарында эмне үчүн коштоп жүргөн?

Нурлан Сулайманов. Министрлер кабинетинин төрагасы Акылбек Жапаровду Ош облусуна болгон иш сапарынын алкагында коштоп жүргөн. Эмне себептен аны коштоп жүргөнү тууралуу "Кактус.медиага" маек берген.

 - Сиз Министрлер кабинетинин төрагасы Акылбек Жапаровду Ош облусуна болгон иш сапарында коштоп жүргөнүңүз белгилүү болду. Эмне үчүн Министрлер кабинетинин төрагасынын иш сапарынын жүрүшүндө аны коштоп жүрдүңүз?

- Ооба, Акылбек Үсөнбековичтин Ошко болгон иш сапарында мен чындыгында коштоп жүрдүм. Мен Министрлер кабинетинин башчысынын коомдук башталышта кеңешчисимин. Ошондуктан мен Жапаровду коштоп жүргөн адамдардын арасында болдум.

Акылбек Жапаров бир катар инфраструктуралык долбоорлорго артыкчылык берип, алардын аткарылышын жеринде көзөмөлдөөнү мага тапшырган.

- А эмнеге сиз коштоп жүрдүңүз?

- Мени өкмөттүн командасына киргизүү чечими менин ири инвестицияларды тартуу жана алар менен иштөө боюнча тажрыйбам бар болгондуктан кабыл алынды деп ойлойм. Мен буга чейин бир топ убакыт  инвестициялык   бир катар долбоорлорду демилгелегенмин. Ошондуктан Акылбек Жапаровдун командасына кошулуп калдым.

- Сизге кылмыш иши козголгон эле. Өзүңүздүн версияңызды айтыңызчы, ал кантип токтотулду?

- Мага карата кылмыш иши чындап эле он жылдай мурда апрель революциясынан кийинки саясий репрессиялардан улам козголгон. Мен “Ата-Журт” партиясынын тизмеси менен парламентке келгенимден кийин түзүлгөн. Дал ушул маалда дарыгерлер мага чет өлкөдөн дарыланууну сунуштады. Анан мен кеттим. Бирок мага карата абакка кесилишине байланыштуу эч кандай чечим болгон эмес. Иш  Алмазбек Атамбаев президент болуп турганда кылмыштын курамы жок деп токтотулган. Анын үстүнө ал тергөө стадиясында токтотулган. Мен өзүм Кыргызстанга көп убакыт мурун кайтып келгем жана ар кандай инвестициялык долбоорлор менен алектенем.

- Сиздин оюңузча, кылмыш ишин козгоо Курманбек Бакиевдин тушунда министрлик кызматты ээлегениңизге байланыштуу болгонбу?

- Мүмкүн, мен Акаевге чейинки мезгилден бери жетекчи болуп иштеп келе жатам. Бирок 2005-2010-жылдары Транспорт жана коммуникация министри болуп иштедим. Ушул беш жылда бул тармакта бир нерсе оңунан чыкпай калса, мен жооп берем. Эгер чындап эле жакшы иштер жасалган болсо, мен аны менен сыймыктанууга укугум бар. Ошол мезгилде жол тармагында жасалган иштерге көпчүлүк оң баасын берип жатат. Бул бекер иштеген жокпуз дегенден кабар берет.

Негизи биз Бакиевчи, Атамбаевчи, Жээнбековчу  деп бөлүнүүнү токтотууга убакыт жетти. Ал кезде иштебеген, кийин гана жок жерден пайда болгон жаш балдардан башка чиновникти азыр табуу мүмкүн эмес.

- Сиздин чоң саясатка кайтуу ниетиңиз барбы?

- Жок, мен биз ойлогондой саясатка байланыштуу эч нерсе пландап жаткан жокмун. Ооба, өткөн шайлоодо “Кыргызстан” партиясынын мүчөсү катары Жогорку Кеңештин депутаттыгына ат салышканмын. Ал шайлоо кандай аяктаганын билебиз. 

Мен ар дайым иштерман болчумун. Ошондуктан мага кээ бир практикалык бизнес долбоорлорду ишке ашыруу жагат. Мен саясатты каалабайм, бирок керек учурда пайдалуу болууну каалайм.