Нарын жана Кара-Суу дарыяларына түшүп кеткен адамдарды издөө иши уланат

Жалал-Абад облусунда Нарын дарыясына түшүп кеткен 17 жаштагы жигитти жана Кара-Суу дарыясына аккан эркек адамды издөө иштери улантылат. Бул тууралуу Өзгөчө кырдаалдар министрлигинен билдирди.

Маалыматка ылайык, Аксы районунун  Үч-Коргон айыл аймагына караштуу Кум айылында 14-июнь күнү Нарын дарыясына 17 жаштагы эркек бала түшүп кеткен. Аны издөөгө 15 куткаруучу тартылган.

Ошондой эле, Кара-Көл шаарындагы Кара-Суу дарыясына эркек адам (аты жөнү такталууда) түшүп кеткен. Аны издөөгө куткаруучулар жана ИИМден 6 кызматкер тартылган. 

Бүгүн, 16-июнда экөөнү тең издөө иштери улантылары айтылат.