Нарында жаңы төрөгөн 8 аялдан жана бир медиктен коронавирус табылды

Бүгүн, 14-мартта Нарын шаарында COVID-19 илдетинин жаңы катталган 15 учурун кимдер жуктурганын Республикалык ыкчам штабдан кабарлашты. 

Маалыматка ылайык, илдетти 1 медицина кызматкери, жаңы төрөгөн 8 аял жана туугандары менен байланышта болгон 6 адамдан аныкталган. Учурда бардыгынын абалы канааттандыраарлык.

Ал эми Нарын облустук бириккен ооруканасынын төрөт бөлүмүндө жаңы төрөгөн 8 аял ымыркайлары менен, 7 кош бойлуу аял көзөмөлдө. Оорукана толук дезинфекцияланып, персоналдар алмаштырылган жана Бишкектен 2 акушер-гинеколог жардамга жөнөтүлгөн

Ал эми Нарын облустук бириккен ооруканасынын төрөт бөлүмүндө бардыгы болуп 11 медициналык кызматкер (акушерлер, медайымдар, санитардык кызматкерлер) коронавирус илдетин жуктуруп алган.