Орто-Сай базарындагы дүкөндөн 78 миң сом уурдалган

Уурулукка шектелген жаран кармалганын Бишкек шаарынын Октябрь райондук ички иштер башкармалыгынын басма сөз кызматы билдирди.

2-февралда жаран милицияга арыз менен кайрылган. Анын айтымында, ошол эле күнү белгисиз адамдар Орто-Сай базарындагы дүкөндөн 78 миң сом уурдап кетишкен.

Бул фактынын негизинде Тергөө кызматы тарабынан КР Кылмыш-жаза кодексинин 205-беренеси (Уурдоо) боюнча кылмыш иши козголгон.

Октябрь райондук ички иштер башкармалыгынын ыкчам кызматкерлери тарабынан кылмышка шектүү катары 2003-жылы туулган У.А. кармалган. Ал убактылуу кармоочу жайга киргизилген.

Милиция кармалган жарандын аракетинен жапа чеккен жана кандайдыр бир маалыматы бар жарандарды 0707-57-55-97, 0755-13-33-67 же 102 номурларына кабарлап коюуну өтүнөт.