Ош аэропортундагы көзөмөл-өткөрүү пунктунун чек арачылары 5 миллион сомдук алтын буюмдарын мыйзамсыз алып чыгууга бөгөт коюшту. Бул тууралуу КР УКМКнын басма сөз кызматы билдирди.
Ош-Стамбул каттамындагы жүргүнчү кармалды. Аял декларациясыз учактын бортунда 848 грамм салмактагы алтын буюмдарды алып өтүүгө аракет кылган.
Алдын ала маалыматтар боюнча, алардын баасы 5 миллион сомдон ашыкты түзгөн.
Кармалган жаран жана алтын буюмдар кошумча иликтөө иштерин жүргүзүү үчүн компетенттүү органдардын кызматкерлерине өткөрүлүп берилди.
Пикирлер (0)
Пикир жок. Сиз биринчилерден болушуңуз мүмкүн