Кыргыз Республикасынын Президентинин Ош облусундагы ыйгарым укуктуу өкүлү Элчибек Джантаев Ош-Баткен-Разаков унаа жолунун курулушу менен таанышты. Бул тууралуу президенттин Ош облусундагы ыйгарым укуктуу өкүлүнүн маалымат кызматы билдирет.
Маалыматка ылайык, текшерүү учурунда Элчибек Джантаев бул жолдун курулушун белгиленген мөөнөттө жана сапаттуу бүткөрүүнүн маанилүүлүгүн белгиледи. Ал белгилегендей, жол инфраструктурасын жакшыртуу жергиликтүү тургундардын жашоосун жакшыртууга жана аймактын экономикалык потенциалын өнүктүрүүгө жардам берет.
Президенттин ыйгарым укуктуу өкүлү Кыргыз Республикасынын Президенти Садыр Жапаровго бул жолдун курулушуна бюджеттен бөлүнгөн каражат үчүн ыраазычылык билдирди. Ошондой эле, иштин жогорку сапатын камсыз кылуу зарылдыгын белгилеп, курулуштун учурдагы абалы тууралуу маалымат берилип, жыйынтыгын тиешелүү кызматтар баалай турганын жана долбоордун макулдашылган мөөнөттө ийгиликтүү бүтүшү үчүн тыгыз кызматташуу жана көзөмөл зарыл экенин айтып өттү.
Көрүнүктүү натыйжаларга жетүү үчүн бардык кызыкдар тараптардын, анын ичинде жергиликтүү тургундардын биргелешкен аракеттери жана колдоосу керек. Жол куруучулар жаңы жолду түзүүгө бир топ күч жумшалып, эми көзгө көрүнөрлүк иштер жасала турган учур келгенин айтып, долбоордун ийгиликтүү аякташына жана жолдун сапаттуу болушуна жергиликтүү коомчулуктун колдоосу жана жардамы маанилүү экенин билдирди.
Пикирлер (0)
Пикир жок. Сиз биринчилерден болушуңуз мүмкүн