Оштогу бала бакчалардын биринде уктоодон баш тарткан 5 жаштагы кызды тарбиячысы ийне менен денесинин ар кайсы жерине сайгылаган. Бул тууралуу жабырлануучунун апасы инстаграм баракчасы аркылуу билдирди.
Жабырлануучунун апасынын айтымында, окуя 5-апрелде орун алган.
"Кызымды бакчага мен алып барганмын. Кечинде атасы алып келди. Ал эч нерсени байкаптыр. Мен кызымды карасам башындагы бир ууч чачы жулунуп калыптыр. Кулактарынын айланасына башына ийне сайылыптыр. Башында канап турган жери да бар экен",- деп жазган 5 жаштагы кыздын апасы.
"Мен уйкум келбей тарбиячыдан мага тапшырма беришин сурандым, бирок ал укпай койду. Мен дааратканага барып келсем, "Сенин башкалардан айырмаң жок, болбосо ийне саям" деди. Ошол жерде башка тарбиячы да бар эле. Ал чыгып кеткенден мага ачууланып, ийне менен сайгылай баштады. Чачтарымдан кармап алып сабады",- деп билдирген жабырлануучу кыз.
Пикирлер (8)