Кара-Суу районудагы Отуз-Адыр каналына түшүп кеткен 10 жаштагы баланын сөөгү табылды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, 10-август күнү Тойчу айылында 2010-жылы төрөлгөн бала Отуз-Адыр каналына түшүп кеткен. 12-август күнү издөө иштерин жүргүзүү үчүн 23 куткаруучу тартылып, издөө иштеринин натыйжасында саат 10:40та маркумдун жансыз денеси табылып, ИИМдин кызматкерлерине өткөрүлүп берилген.
Белгилей кетсек, буга чейин куткаруучулар Кара-Суу районундагы Отуз-Адыр каналына түшүп кеткен 10 жаштагы баланы издеп жатканы кабарланган.
Пикирлер (0)
Пикир жок. Сиз биринчилерден болушуңуз мүмкүн