Парламент ЕАЭБ менен Ирандын эркин соода тууралуу макулдашуусун ратификациялады

Жогорку Кеңеште ЕАЭБ менен Ирандын ортосундагы "Эркин соода жөнүндө" макулдашууну ратификациялоо тууралуу" мыйзам долбоору үчүнчү окууда жактырылды.

Аталган мыйзам долбоордун максаты 2023-жылдын 25-декабрында Санкт-Петербургда кол коюлган макулдашуунун күчүнө кирүүсү үчүн зарыл болгон ички жол-жоболорду аткаруу болуп саналат. Ага ылайык, импорттук бажы алымы 17 пайыздан 3 пайызга чейин төмөндөйт.

ЕАЭБ жана Иран төмөнкүдөй пайда көрөт:

- Иран менен соода жүргүзүүдө ЕАЭБ тышкы экономикалык ишмердүүлүк товар номенклатурасынын 88 пайызына преференция алат;

- ЕАЭБ менен соодада Иран тышкы экономикалык ишмердүүлүк товар номенклатурасынын 87 пайызына преференция алат;

- ЕАЭБ өлкөлөрүнүн сатуучулары Иран рыногуна продукцияларды жеткирүүдө импорттук бажы алымдарын төлөөдөн жыл сайын 380 миллион долларга чейин үнөмдөй алышат.