Бишкек ШИИБдин Патрулдук кызматынын кызматкерлери 3,5 миң доллар салынган сумканы таап, ээсине кайтарып беришти.Бул тууралуу аталган мекемеден билдирди.
Маалыматка ылайык, Патрулдук милициянын инспекторлору сумканы 14-декабрда кечки саат алты чамасында Чыгыш автобекетинде көзөмөл жүргүзүп жатып табышкан. Анда 3500 доллар, айдоочулук күбөлүк жана паспорт болгон.
Текшерүүчүлөр токтоп турган таксилерге өздөрүнүн уюлдук телефон номерин жана унаанын номерин калтырып, ээси сураса байланышуусун суранган.
Көп өтпөй ал киши телефон чалып, инспекторлор менен жолугушуп, милициянын офицерлери Тилек Токтогонов менен Төрөбек Турабай уулуна ыраазычылыгын билдирген.
Пикирлер (1)