Польшада жылдызы жанган чабандестер

Кыргызстандык чабандестер Польшада соңку үч жыл катары менен ат чабыштан чемпион болуп, алдына эч кимди чыгарбай келет. Борбордук Европадагы бул өлкөдө ушул тапта 20га жакын кыргыз жигити ат спорту менен алектенет. Алар буга чейин Кыргызстанда жеңишке жетип, бирок жаш курагына байланыштуу башка өлкөлөргө кетүүгө аргасыз болгон. “Азаттык” Польшада шамал менен жарышкан кыргыз жигиттердин ийгилигинин сырын көрсөтөт.