Чын курандын 05, 2025
Убакыт: 13:19
USD
86.60
87.10
EUR
94.90
95.90
RUB
1.010
1.050

Президент Садыр Жапаров Италияга жана Ватиканга расмий сапары менен барат

01.10.2024 11:07
146
Президент Садыр Жапаров Италияга жана Ватиканга расмий сапары менен барат


Президент Садыр Жапаров 2024-жылдын 2-4-октябрь күндөрү Италия Республикасына жана Ыйык Тактыга (Ватикан) расмий сапар менен барат. Бул тууралуу президенттин администрациясынын тышкы саясат бөлүмүнүн башчысы Муратбек Азымбакиев билдирди.

“3-октябрда КР Президенти Садыр Жапаровдун Италия Республикасынын Президенти Серджо Маттарелла, Италия Республикасынын Министрлер Кеңешинин Төрагасы Джорджей Мелони, Италия Республикасынын Депутаттар палатасынын Төрагасы Лоренцо Фонтана жана Италия Республикасынын Сенатынын Төрагасы Иньяцио Ла Русса менен эки тараптуу сүйлөшүүлөрү пландаштырылган".

Маалыматка ылайык, Италияга болгон сапардын алкагында тараптар кыргыз-италиялык мамилелеринин бүтүндөй комплексин жана алардын өнүгүү келечегин талкуулашат, ошондой эле эл аралык күн тартиби боюнча пикир алмашат.

"2024-жылдын 4-октябрында КР Президенти Садыр Жапаровдун Рим Папасы Франциск менен жолугушуусу болот”, - деп белгиледи Муратбек Азымбакиев.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн