Президенттик аппараттын дагы 9 кызматкеринен коронавирус инфекциясы тастыкталды, анын катарында Аппарат жетекчиси Досалы Эсеналиев дагы бар. Бул тууралуу өлкө башчынын маалымат кызматы билдирди.
Маалыматка караганда, бүгүнкү күндө Президенттик аппаратта жалпы 17 адам илдетке чалдыкты.
"Алардын баары үй шартында обочолонуп, медиктердин кеп-кеңештерин алып жатышат жана алыстатылган тартипте иштерин улантышууда. Оорунун белгилери ар кимде ар түрдүү өтүүдө, абалдары канааттандырарлык", - деп айтлат маалыматта.
Буга чейин Президенттин аппаратынын тышкы саясат бөлүмүнүн башчысы Данияр Сыдыковдон жана күзөт кызматынын бир кызматкеринен илдет аныкталганы маалымдалган.
Андан кийин президенттин аппаратынын 8 кызматкеринде — байланышта болгон адамдарда коронавирус инфекциясы бар экени тастылганы айтылган.
Пикирлер (0)
Пикир жок. Сиз биринчилерден болушуңуз мүмкүн