Президент Сооронбай Жээнбеков өлкө аймактарына иш сапарларын улантууда. Кечээ, 3-августта мамлекет башчысы Ысык-Көл облусуна эки күндүк иш сапарын баштады.
Президент Ак-Суу районундагы дарыгерлер үчүн жеке коргоочу каражаттарды чыгара баштаган «Айко Сейко» ЖЧКсы текстиль ишканасынын ишмердүүлүгү менен таанышты.
Андан соң, мамлекет башчысы Каракол шаарындагы «Ак-Булак плюс» ЖЧКсы сүттү кайра иштетүүчү ишканага барды.
Мындан сырткары Сооронбай Жээнбеков Ысык-Көл облусунун ички жолдорун реконструкция кылуу жана курулуш иштери менен таанышты. Анда Каракол шаарында башкы көчөлөрдүн бири болуп саналган, 1970-жылдан тартып оңдоло элек Жусуп Абдрахманов көчөсү оңдолуп-түзөлүп жатканы белгилүү болду.
Мамлекет башчысы ошондой эле Ак-Суу районундагы Теплоключенка айылындагы жолдордун ремонтунун жана курулушунун жүрүшү менен таанышты. Анын ичинде, айылдын үч көчөсүнө асфальт төшөлүүдө, иштин жыйынтыкталышы үстүбүздөгү жылдын 25-августуна пландаштырылган.
Президент Сооронбай Жээнбеков коронавирус инфекциясынын жайылышы менен күрөшүү шартында Ысык-Көл облусундагы бир катар медициналык объектилердин абалынан кабар алды.
Сүрөттөр президенттин басма сөз кзматынан алынды.
Пикирлер (0)
Пикир жок. Сиз биринчилерден болушуңуз мүмкүн