Владимир Путиндин кызы коронавируска каршы Россиядан чыккан вакцинаны алып, сыноодон өттү. Бул тууралуу аталган өлкөнүн басылмалары президент өзү өкмөт менен болгон жолугушуу учурунда айтканын жазып чыкты.
"Вакцина туруктуу антитело жана клетка иммунитетин түзүп, жакшы иштейт. Мен муну билем. Анткени менин кыздарымдын бири вакцинаны алып көрдү. Бул жагынан алганда ал вакцинаны сыноого катышты деп ойлойм", - деген Путин.
Ошондой эле ал биринчи эмдөөдөн кийин кызынын дене табы 38 градуска көтөрүлүп, эртеси кайра калыбына келгенин, учурда ошол бойдон турганын кошумчалаган.
Буга чейин Владимир Путин өкмөт мүчөлөрү менен болгон жыйында коронавируска каршы алгачкы вакцина Россияда катталганын жар салган.
Пикирлер (0)
Пикир жок. Сиз биринчилерден болушуңуз мүмкүн