Red Centre соода борборунан бомба табылган жок

Бишкектеги Red Centre соода борборунан жардыруучу зат табылган жок. Мындан улам курчоолор алынды. Бул тууралуу Свердлов райондук милициясы билдирди.

Маалым болгондой, 31-январда саат 18:53тө аталган соода борборунда бомба коюлган деген маалымат түшкөн.

Ыкчам чара көрүү иш-чаралардын негизинде имараттын ичинде изилдөө иштери жүргүзүлүп, жардыруучу зат табылган эмес.

Соода борборундагы курчоолор алынып, кадимки тартипте ишин улантууда.