Россиянын жана Кытайдын элчилигине бомба коюлду делген маалымат жалган болуп чыкты

Россиянын жана Кытайдын Бишкектеги элчилигинин имаратына бомба коюлган делген маалыматты белгисиз адамдар милицияга кабарлашкан.

Маалыматка ылайык, алгач кабар Россия элчилигинде деп келген. Текшерүүдөн жарылуучу каражат табылган эмес. Кийин Кытайдын Бишкектеги элчилигинде бомба коюлганы кабарланган. Элчиликке ыкчам-тергөө тобу, кинологдор, саперлор барып, жарылуучу зат таба алышкан эмес.

Бул факт милициянын маалыматтарды каттоо журналына түшүрүлүп, учурда тиешелүү иштер жүргүзүлүп жатканы белгилүү болду.