Президенттикке талапкер Садыр Жапаров 23-ноябрда 7-каналга берген маегинде Ош окуясына тиешеси бар эки адамды жоопко тартса боло турганын билдирди.
“Ошол окуянын чыгып кетишине эң негизгиси Улуттук коопсуздук мамлекеттик кызматы (УКМК) менен президент болгон. Ал учурда УКМК бүт баарын билип турган. Президентке да кан төгүлүп кетерин эскертип жазуу жүзүндө да маалымат берип турган. Ошондо бул жерде отуруп албай түштүккө барып иштеши керек эле да”, - дейт ал.
Муну менен Жапаров Ош окуясына ошол кездеги президент Роза Отунбаева менен УКМКны 2010-жылы жетектеп турган Кеңешбек Дүйшөбаевди айыптуу катары сыпаттады. Демек, Садыр мырза президент болуп келгенде бул адамдардын жоопкерчилиги каралышы ыктымал. Анда Р.Отунбаевнанын “экс-президент” деген макамы алынабы?
Пикирлер (32)