Руслан Казакбаев Кениянын Түркиядагы элчиси менен жолугушту

Кыргызстандын Түркиядагы элчиси Руслан Казакбаев Кениянын Түркиядагы элчиси Леонардо Нгейва Бойо менен жолугушту.

КР ТИМден билдиришкендей, жолугушуунун жүрүшүндө тараптар өз ара пайдалуу эки тараптуу кыргыз-кениялык кызматташтыкты өнүктүрүү маселелерин талкуулашты.

Тараптар жогорку жана жогорку деңгээлдеги өз ара сапарларды уюштуруунун, ошондой эле эл аралык уюмдардын шайлануучу органдарына талапкерлерди өз ара колдоонун маанилүүлүгүн белгилешти.

Экономика, маданият, билим берүү, туризм жана башка негизги тармактарда эки тараптуу келишимдерди түзүү маселелери талкууланды.

Сүйлөшүүнүн соңунда тараптар күч-аракетин эки тараптуу мамилелерди активдештирүүгө жана чыңдоого багыттоого макулдашты.