Шаардык сот Туризмди өнүктүрүү фондунун жетекчиси Елена Калашникованы камакта калтырды

Бишкек шаардык соту Туризмди өнүктүрүү фондунун жетекчиси Елена Калашникованы камакта калтырды. Бул тууралуу жергиликтүү ЖМКлар билдиришти.

Айыпталуучунун жактоочусунун өтүнүчү канааттандыруусуз калтырылганы айтылууда. Елена Калашникова 22-июлга чейин УКМКнын СИЗОсунда болот.

Эске салсак, Туризмди өнүктүрүү фондунун кеңсеси жана уюмдун жетекчисинин үйү тинтүүгө алынган. Улуттук коопсуздук боюнча мамлекеттик комитети туристтер үчүн эс алуу жайларын куруу долбоорун ишке ашыруудагы коррупция фактысы боюнча кылмыш ишин козгоду. Атайын кызмат Елена Калашникова менен вице-президент Александр Валитовду камакка алды.