Бишкек шаарынын Биринчи Май райондук ички иштер башкармалыгынын ыкчам кызматкерлери Бишкек шаардык сотунун имаратына кирип, соттордун иш бөлмөсүн ачкан шектүүнү таап, кармады. Бул тууралуу райондук администрациянын басма сөз кызматы билдирди.
«Тинтүү учурунда 29 жаштагы шектүү Ош шаарынан табылды. Кармалып, Бишкек шаарына жеткирилип, шаардык милициянын убактылуу кармоочу жайына киргизилген. Уурдоо фактысы боюнча тергөө иштери уланууда. Келтирилген чыгымдын көлөмү такталууда», - деп билдиришти РИИБден.
Эске салсак, 9-февралдан 10-февралга караган түнү белгисиз адам Шаардык соттун имаратынын эшигин бузуп кирип, бөлмөлөрдү тинтиген.
Пикирлер (0)
Пикир жок. Сиз биринчилерден болушуңуз мүмкүн