Шайлоо: Чүй облусунда 24 мыйзам бузуу катталды

Чүй облусунда шайлоонун эрежелерин бузган 24 материал катталган. Бул тууралуу Чүй ОИИББнын басма-сөз кызматы билдирди.

Чүй облусунун ички иштер башкы башкармалыгынын маалыматы боюнча, анын ичинен:

- Кемин РИИБдө - 1 материал;

- Токмок шаардык ИИБдө - 11 материал;

- Аламүдүн РИИБдө - 5 материал;

- Сокулук РИИБде - 3 материал;

- Москва РИИБдө - 1 материал;

- Жайыл РИИБдө - 1 материал;

- Панфилов РИИБдө - 2 материал.

Ошол эле учурда катталган 24 материалдын ичинен 3 материал кылмыштын курамы жок болгондуктан байланыштуу номенклатуралык ишке чыгарылган.

Саат 18:00гө карата Чүй облусунун аймагында жарандар тарабынан коомдук тартипти бузуулар катталган жок.

Учурда Чүй облусунун 820дан ашык милиция кызматкерлери жер-жерлерде кызматын күчөтүлгөн режимде улантууда.