Президенттикке талапкер, ички иштер министринин мурдагы орунбасары Курсан Асановдун баш коргоо чарасы өзгөртүлдү. Эми ал бүт өлкө боюнча эркин жүрө алат, бирок чет элге чыга албайт. Бишкек шаардык соту 16-декабрда ушундай чечим чыгарганын адвокаты билдирди.
Курсан Асанов 2019-жылы Кой-Таш айылында мурдагы президент Алмазбек Атамбаевди кармоо операциясында кызмат абалынан кыянаттык менен пайдаланган деген шек менен айыпталууда. Андан тышкары, 2020-жылдын октябрындагы парламенттик шайлоодон кийинки башаламандыктарга байланыштуу козголгон кылмыш ишинин алкагында да күнөөлөнүүдө. Буга байланыштуу Курсан Асанов үй камагында болчу.
Пикирлер (0)
Пикир жок. Сиз биринчилерден болушуңуз мүмкүн