Бүгүн, 6-декабрда Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитеттин жыйынында “Кыргыз Республикасынын Президентинин ишмердигинин кепилдиктери жана Кыргыз Республикасынын экс-президентинин статусу жөнүндө” Кыргыз Республикасынын Мыйзамына өзгөртүүлөрдү киргизүү тууралуу” Кыргыз Республикасынын Мыйзамынын долбоору биринчи окууда каралып, жактырылды.
Сунушталган мыйзам долбоору бюджеттик каражатты рационалдуу пайдаланууга багытталган.
Жыйындын жүрүшүндө Жогорку Кеңештин депутаты Дастан Бекешев аталган мыйзам долбоору мурдагы президент Сооронбай Жээнбеков үчүн дагы иштеши керектигин белгилеп: "2019-жылы Жээнбеков Алмазбек Атамбаевди экс-президент статусунан атайын ажыратуу үчүн депутаттарга кысым көрсөтүп, мыйзамды кабыл алдырган.
Жашоо - бумеранг. Мыйзам экс-президент Сооронбай Жээнбековго карата да иштесин",- деди.
Сурамжылоо: Экс-президенттердин артыкчылыктарынын алынышын колдойсузбу?
Сиз КРнын экс-президенттеринин артыкчылыктарынын алынышын колдойсузбу?
Ооба, колдойм!
51 добуш (59.30%)
Мыйзам бузса, артыкчылыктары алынып, жоопко тартылсын!
24 добуш (27.91%)
Жок, каршымын!
11 добуш (12.79%)
Пикирлер (18)