Тазабек Икрамов Жогорку Кеңештин тармактык комитетине төрага болуп шайланды

Бүгүн, 3-июнда Тазабек Икрамов Жогорку Кеңештин Эл аралык иштер, коргоо жана коопсуздук боюнча комитетинин төрагалыгына шайланды.

Добуш берүү жашыруун өттү. Анын жыйынтыгында депутат Тазабек Икрамов 73 добуш менен Жогорку Кеңештин Эл аралык иштер, коргоо жана коопсуздук боюнча комитетинин төрагасы болуп шайланып, тиешелүү токтом кабыл алынды.