Швейцария Баткен облусунда чек арага кол салууда жабыркагандар үчүн 450 миң доллар жардам берет. Бул тууралуу өлкөнүн Кыргызстандагы элчилиги билдирди.
Каражатка Бириккен улуттар уюмунун Дүйнөлүк азык-түлүк программасы тамак-аш жана азык-түлүк жагынан жардам көрсөтөт.
Буга чейин Япония соңку кол салууда жабыркаган Баткендин тургундарына жардам катары БУУнун алкагында 1 миллион доллар берери айтылган.
Өзгөчө кырдаалдар министрлиги Тажикстандын агрессиясынан кыргыз айылдарынан 661 турак жай зыян тартканын билдирген. Анын 423ү жашоого жараксыз болсо, 238 үй оңдоп-түзөлүшү керек. Кыргыз бийлиги жаңы үйлөрдү эки-үч айда курууну убада кылууда.
Пикирлер (0)
Пикир жок. Сиз биринчилерден болушуңуз мүмкүн