Бүгүн, 8-декабрда Жогорку Кеңештин депутаты Шайлообек Атазов Төлөйкөн шайлоо округунда анын атаандашы депутат Нурбек Алимбеков добуш сатып алып ыплас шайлоо өткөрдү деп билдирүү жасады.
Ал эми Нурбек Алимбеков Атазовдун сөзүн четке кагып, жалган жалаа экенин билдирди.
"Мен атаандашым Шайлообек Атазовго теңелбейин дегем. Бирок трибунадан менин атыма шек келтирип жалган сөздөргө жооп берип койбосом болбос.
Төлөйкөн шайлоо округунда биздин команда чындап мыкты иштеп жеңишке жеттик. Ал жерде кимдин плакаттары, сүрөттөрү жайнап кетти. Аны ким каржылап турганын биз жакшы билебиз.
Биз эч кандай добуш сатып алууга барган эмеспиз. Ал 17 миң добуш алса, мен 19 миң добуш алдым. Жеңилген адам жеңилгенди да билиш керек",- деди Алимбеков.
Пикирлер (4)