Тенгиз Бөлтүрүк: Алтынды ачык эмес, жер астынан казууга киришебиз

Алтынды ачык эмес, жер астынан казууга киришебиз. Мындай пикирин Кумтөрдүн тышкы башкаруучусу Тенгиз Бөлтүрүк BBC кыргыз кызматына билдирген.

Анын айтымында, мына ушундай жол менен экологиялык зыян азаят.

"Биз жакынкы 2-3 жыл ичинде Кумтөрдөгү алтынды жер астынан карьер катары казып баштайбыз. Албетте, буга көп каражат керек болот. Бирок бизде техника жетиштүү.

Жер астынан казгандай экологияга зыяны тийбейт. Мындан сырткары, алтындын пайыздык сапаты жогору болот",- деди Бөлтүрүк.

Ошондой эле Тенгиз Бөлтүрүк Кумтөрдөгү алтын запасы дагы 10 жылдан ашык убакытка жетерин айтты.