Тоңдо жүк ташуучу жана жеңил унаа кагышып, 3 адам мерт кетип, үчөө жабыркады

Тоң районунда жүк ташуучу жана жңил унаа кагышып, 3 адам мерт кетип, үчөө жаракат алды. Бул тууралуу Өзгөчө кырдаалдар министрлигинен билдирди.

Маалыматка ылайык, 9-июль күнү саат 10:00 чамасында Балыкчы-Кочкор унаа жолунун 4-чакырымында “Фолксваген-Пассат” унаасы менен "Шахман" оор жүк ташуучу унаасынын  катышуусунда жол кырсыгы катталган.

Кырсыктын кесепетинен 3 адам (2 эркек: 1974-жылы туулган, 2008- жылы туулган, 1 аял: 1978-жылы туулган) каза болуп, 3 адам (1 кыз: 2012-жылы туулган, 2 эркек бала: 2004- жылы туулган, 2006-жылы туулган) жабыркаган.

Куткаруучулар каза болгон адамдарды унаадан чыгарышып, тез жардам кызматкерлерине өткөрүп беришкен. Жабыркаган жана каза болгон адамдарды тез жардам кызматкерлери шаардык ооруканага жеткизишкен.