Түркия: Зилзаладан каза болгондордун саны 3 миң 432ге жетти

Түркиядагы жер титирөөнүн курмандыктары 3 миң 432 адамга жетти. Бул тууралуу Түркиянын вице-президенти Фуат Октай "ТРТ Хаберге" билдирди.

Маалыматка ылайык, табият кырсыгынан 21 миң 103 адам жабыркады.

"Түркиянын түштүгүндөгү жер титирөөдөн каза болгондордун саны 3432 адамга жетип, 21103 жаран жабыркады", - деп айтылат маалыматта.

Мындан мурда президент Режеп Тайип Эрдоган өлкө боюнча 12-февралга чейин жалпы улуттук аза күтүү жарыялаган.