Түштүк Кореядагы заводдогу өрттө 20дан ашык адам каза тапты. Бул тууралуу чет элдик басылмалар жазды.
Маалыматка караганда, Хвасондогу литий аккумуляторлорун чыгарган заводдогу тилсиз жоодо көз жумгандардын саны 22ге жетти. Алардын көбү кытайлык жарандар.
Каза тапкандардын саны дагы да өсүшү мүмкүн экендиги айтылууда. Анткени дайынсыз жоголгон кызматкерлер да бар. Өрттө 2 киши олуттуу, ал эми алты адам жеңил жаракат алган.
Түштүк Кореяднын Тышкы иштер министрлиги каза тапкандардын үй-бүлөлөрүн колдоо максатында өлкөдөгү дипломатиялык өкүлчүлүктөр менен тыгыз кызматташууну пландоодо.
Сеул шаарынан 45 чакырым алыстыкта жайгашкан заводдо өрттү өрт өчүрүүчүлөр чектөөгө алышкан. Каза тапкандардын баары фабрикалык корпустун экинчи кабатынан табылган.
Пикирлер (0)
Пикир жок. Сиз биринчилерден болушуңуз мүмкүн