УКМК “Дордой” базарынан уюшкан кылмыштуу топтун активдүү мүчөсүн кармады

Улуттук коопсуздук боюнча мамлекеттик комитеттин кызматкерлери “Дордой” базарынан уюшкан кылмыштуу топтун активдүү мүчөсүн кармашты. Бул тууралуу ведомствонун басма сөз борбору билдирди.

Уюшкан кылмыштуу топтун активдүү мүчөсү Ош облусунун жана Өзбекстандын базарларына жүк ташыган жүк ташуучу унаалардын айдоочуларынан акча талап кылган деп шектелүүдө.

Шектүүнүн үйүн тинтүү учурунда бычак жана диний адабияттар табылган.

Учурда тергөө иштери уланууда.