УКМК Коопсуздук кеңешинин экс-катчысы К.Дүйшөбаевдин билдирүүсүнө жооп кайтарды

Коррупцияга жана кылмыштуулукка каршы күрөш күчөйт. Бул тууралуу УКМКнын басма сөз кызматы билдирди. 

Маалыматка караганда, Коопсуздук кеңешинин экс-катчысы Кеңешбек Дүйшөбаевдин бийлик УКТ менен макулдашып алышы мүмкүн деген билдирүүсү чындыкка дал келбейт жана ага негиз жок.

«УКМК коррупцияга жана кылмыштуулукка каршы күрөштү активдүү улантып жатат. Бардык иш-чаралар мыйзамдын чегинде өткөрүлөт. Мамлекеттик органдардагы коррупциялык схемаларды демонтаждоо, келтирилген зыянды мамлекетке кайтаруу жана кылмыштуу көрүнүштөрдү жок кылуу боюнча тиешелүү иш-чаралар жүргүзүлүүдө. УКМК коррупцияга жана кылмыштуулукка каршы күрөштү күчөтөт», - деп айтылат маалыматта.