Үч адам ооруканага жеткирилди. Ысык-Көлдө жол кырсыгы катталды

Ысык-Көл облусунун Кызыл-Өрүк айылында жол кырсыгы катталды. Бул тууралуу АКИпресс агенттиги кабарлады.

Маалыматка караганда, жол кырсыгы Mercedes-Benz Sprinter жана жеңил унаа ортосунда катталган.

Маршрутка катуу ылдамдыкта келе жаткан учурда алдында жеңил унаа кокустан токтой калган. Мындан улам маршрутка жеңил унааны сүзүп, жолдун жээгине оодарылып кеткен.

Жол кырсыгынан 3 адам жаракат алган. Аларды тез жардам унаасы ооруканага алып кеткен.