Улуттук банктын дагы бир кызматкеринен коронавирус аныкталды

Улуттук банктын дагы бир кызматкеринен коронавирус табылды. Бул тууралуу банктын басма сөз кызматы 22-июнда билдирди.

Маалыматка караганда, учурда COVID-19 инфекциясы аныкталган кызматкерлер дарыланууда, оору жеңил өтүп жатат. Алар менен байланышта болгон башка кызматкерлер карантинге жөнөтүлүп, ПЧР – анализдин жыйынтыгын күтүп жатышат. 

"Эпидемиологиялык кырдаал курчуганына байланыштуу Улуттук банк 23-июндан тарта кызматкерлердин бир бөлүгүн аралыктан иштөөгө жөнөтүү чечимин кабыл алды. Бирок, банк штаттык режимде иштөөсүн уланта берет", - деп айтылат малыматта. 

Буга чейин Улуттук банктын эки кызматкеринен коронавирус табылганы маалымдалган.