Жеңил салмак боюнча UFC чемпиону Валентина Шевченко беттештерден убактылуу четтетилди. Мындай тыянакты дарыгердик комиссия чыгарды. Бул тууралуу орус басылмалары жарыялады.
9-февралда АКШнын Хьюстон шаарында «UFC 247» турнири өткөн. Аталган турнирде кыргызстандык Валентина Шевченко америкалык Кэтлин Чукагян менен беттешип, 3 раунддун жыйынтыгы менен жеңишке жеткен.
Бул турнирдин жыйынтыгы менен Техастын лицензиялык жана жөнгө салуу департаменти Шевченкону медициналык себептерге байланыштуу беттештен четтетти. Эми спортчу 6 ай турнирге чыга албайт. Ал эми Кэтлин Чукогян 46 күндѳн кийин машыгуусун уланта алат. Джон Джонс жана Доменик Рейес бир айга четтетилген.
Пикирлер (0)
Пикир жок. Сиз биринчилерден болушуңуз мүмкүн