Кыргызстанда коронавирус катталып жаткан кырдаалда кредиттерин төлөй албай жаткан жарандарды "кара тизмеге" киргизбей турууну Жогорку Кеңештин депутаты Эльвира Сурабалдиева бүгүн, 18-мартта парламенттик жыйында өкмөттөн суранды.
Анын айтымында, учурда орто жана кичи бизнестер өз ишин токтотуп турууга тапшырма берилген. Ушул абалга байланыштуу кафе-рестарандар, клубдар жана башка чакан бизнестер иштебей жаткандыктан кредиттерин төлөй албай, кыйынчылыкка кептелүүдө.
"Биз тишелүү комитеттин жыйынында Улуттук банктын өкүлдөрүнөн суранганбыз. Бирок бул сунуш четке кагылган. Дагы да суранып кетээрим биздин аймакта да өзгөчө кырдаал жарыялана турган абалга келдик. Көп бизнестер иштебей турган болду. Ошодуктан кредиттерин төлөй албай жаткандарды абал тынчымайын "кара тизмеге" киргизбей туруу жана үй жайларын тарттырып ийүү коркунучунан сактай туруу зарыл", - деди депутат.
Пикирлер (6)