ЖК комитетинде Кыргызстандын гимнин жана гербин өзгөртүү маселеси көтөрүлдү

Жогорку Кеңештин тармактык комитетинин жыйынында Кыргызстандын гимнин жана гербин өзгөртүү маселеси көтөрүлдү.

Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитети туу өзгөртүү боюнча мыйзам долбоорун талкуулады.

Депутат Нурланбек Азыгалиев коомдук талкууда жарандардан көп сунуштар түшкөн болушу мүмкүн экенин белгиледи. Демилгечилердин бири Улан Примов кесиптешинин сөзүн тастыктап, гимнге байланыштуу сунуштар көп болуп жатканын, алардын көбү өзгөртүүнү каалагандыгын кошумчалады. «Мамлекеттик желектин авторлору бул жерде, алар гербдеги кемчиликтерди дагы белгилеп жатышат», - деп кошумчалады ал.

Азыгалиев бул учурдун талабы экенин белгиледи. «Ал кезде адамдардын визуализациясы башкача болчу. Балким, биз да жакында гербди алмаштырабыз. Анда пахта көрсөтүлүп турат. Бул продуктуну өндүрүүнү токтотсок эмне болот? Мында да өзгөрүүлөрдү жасоого туура келиши мүмкүн. Биз өлкөнүн символикасын кабыл алганбыз, бирок өзгөрүлбөй турган эч нерсе жок», - деп баса белгиледи ал.