Жалал-Абад шаардык мэриясынын беш кызматкеринен COVID-19 аныкталды. Бул тууралуу шаардык мэриянын басма сөз катчысы Азамат Жээнбеков билдиргенин маалымат сайттары жазышты.
Анын айтымында, алар вируска 19-июнда анализ тапшырышкан. Муну менен бирге ал илдетти жуктуруп алгандардын аттарын, ошондой эле кызматтарын атоодон баш тартты.
Мындан сырткары, басма сөз кызматынын башчысы вице-мэрлер менен башка жооптуу кызматкерлер баш болуп, мэрияда иштегендердин 50 пайызы үй карантинине жиберилгенин кошумчалады. Алар эми онлайн-форматында иштешет.
Эске салсак, өткөн жума күнү Жалал-Абад шаарынын мэри Мураталы Тагаев коронавирус жуктуруп алганы белгилүү болгон. Ошол эле күнү муниципалитеттин өкүлдөрү COVID-19га тест тапшырышкан.
Жээнбековдун айтымында, Тагаевдин абалы туруктуу, оорунун белгилери жок.
Пикирлер (0)
Пикир жок. Сиз биринчилерден болушуңуз мүмкүн