Жаңы-Жер айылынан келген делегат Гапыр Мадаминов чек араны кантип чечүү сунушун айтты (видео)

Бүгүн, 25-ноябрда Токтогул Сатылганов атындагы улуттук филармонияда Биринчи Элдик курултай өтүп жатат.

Курултайдын жүрүшүндө Жаңы-Жер айыл аймагынан келген делегат Гапыр Мадаминов кыргыз-тажик чек арасы боюнча маалымат берип, аны чечүү жолун да сунуштады.

"Биздин Баткен, Лейлек сиздер ойлогондой жакыр жер эмес. Элдин баары чек ара тынчыбагандыктан көчүп кетип жатат. Чүйүбүз баарыбыздын үйүбүз болсо, Баткен, Лейлек дагы үйүбүз болушу керек.

Баткенде дагы өнүгө турган потенциалдар бар. Саркент, Козу-Баглан дарыяларына суу сактагыч курсак 10 миңдеген жерлер өздөштүрүлүп эл көчпөй калат.

Чек араны чечүү үчүн элдин миграциясын токтотуш керек. Миграцияны токтотуу үчүн тынчтык жана жумуш менен камсыз кылып бериш керек ",- деди Гапыр Мадаминов.